Аграсядзіба «Селяхі» правяла дзень адкрытых дзвярэй (фота, відэа)

Сёння ў рамках рэспубліканскай акцыі «Дзень адкрытых дзвярэй» у аграсядзібе «Селяхі» прайшоў сямейны этна-фолк-фэст «АдДушыНа вёсцы».

Госці фэста змаглі ўбачыць выставы, выступ народных музычных калектываў Ваўкавышчыны, фальклорных калектываў сельскіх клубаў, ансамбля цыганскай песні і танца «Чаюрі», а таксама паглядзець паказ узорнага тэатра моды «Спадчына» і спектакль хатняга тэатра «Марья-Искусница» з Гародні.

Самыя маленькія змаглі пакатацца на канях. Райпо арганізавала выязны гандаль, так што госці маглі здаволіць смагу ахаладжальнымі напоямі.

Мэта фэсту — прасоўванне, падтрымка і развіццё актыўнага адпачынку на прыродзе, прыцягненне мясцовых турыстаў і стварэнне ўмоў для прыёму і абслугоўвання замежных госцяў.