У польскім Грудку прайшоў фэст Басовішча-2016. Фотарэпартаж Волковыск.BY

22–23 ліпеня на лясной палянцы Борык каля мястэчка Гарадок, што на Беласточчыне, прайшоў штогадовы фэстываль музыкі маладой Беларусі «Басовішча-2016».

Сёлетні фестываль адбыўся 27-ы раз запар. Яго галоўным арганізатарам з’яўляецца Беларускае аб’яднанне студэнтаў.

Фестываль «Басовішча 2016» сабраў на сваёй сцэне больш дзясятка калектываў з Беларусі, Украіны, Сербіі і Польшчы, сярод хэдлайнераў сёлета былі: Лявон Вольскі, гурт BRUTTO з Сяргеем Міхалком.

Фестываль пачаўся ў пятніцу конкурснай часткай. У конкурсе маладых выканаўцаў выступае пяць гуртоў

Перад гледачамі і журы выступілі гурты The Glitchhh, M.G. з Наваградка, гурт Haina, створаны з былых удзельнікаў гурта Абшар, галоўныя маладыя шаманы Панямоння гурт .K і менскі электронны музычны праект Intelligency.

Затым выступілі ўкраінскі гурт Gogo Dzyganski з Івана-Франкоўска, а таксама беластоцкі Ilo&Friends, гурт Navi, які сёлета гурт браў удзел у канцэртах «Славянскага базара», Re1ikt, Крамбамбуля, польскі гурт Hańba! — адмысловая музычная машына часу, якая пераносіць слухача ў 30-ыя гады мінулага стагоддзя на кракаўскі падворак, і гарадзенскі беларускі фольк-панкавы гурт Дзецюкі.

А завяршыў першы дзень фэсту праект Hańbuki. Пасля таго, як кракаўскі гурт Hańba! сустрэў на сваім музычным шляху гарадзенскіх Дзецюкоў, паміж камандамі пачалося супрацоўніцтва, вынікам якога і з’явіліся Hańbuki.

Другі дзень у Барыку традыцыйна пачаў пераможца сёлетняга конкурсу маладых гуртоў гарадзенскі .К. Потым на сцэне ў Барыку зайгралі між іншымі: БН з Бярозы, леташні лаўрэат конкурсу маладых выканаўцаў TonqiXod, адзін з галоўных сюрпрызаў сёлетняга фэсту сербскі гурт Erik & the Worldly Savages Jazzombie, польскі праект Jazzombie — спалучэнне сіл легенд польскай музыкі Lao Che i Pink Freud, падляшскі гурт Zero-85 разам з вакалістам Юркам Асеннікам, BRUTTO ды гурт Зніч, які і завяршыў канцэрт.

Прамая трансляцыя з мерапрыемства вялася на хвалях ФМ на Беларускім Радыё Рацыя. Сёлета ўпершыню з фестывалю «Басовішча» вялася таксама жывая відэатрансляцыя, якую можна паглядзець толькі на сайце Рацыі.

Фота з мінулагодняга фэстывалю «Басовішча-2015» можна прагледзець тут.