У Рыжскай ратушы прайшла выстава да 40-годдзя творчай дзейнасці Вячкі Целеша

Aдкрыццё выставы, жывапісу і графікі “Гадоў датыкненні”, прысвечанай 40-годдзю творчай дзейнасці Вячкі Целеша, адбылося 16 снежня 2015 г. у Рыжскай Думе (Рыжская ратуша). Выстава праходзіла да 21 снежня.

На выставе прыемна было бачыць не толькі сакурснікаў мастака па акадэміі, але і яго педагога былога загадчыка кафедры жывапісу 93-гадовага прафесара Уладзіміра Козіна.

Прагучалі словы віншаванняў: ад вядомага латышскага мастацвазнаўцы Марыса Бранцыса, латвійскага жывапісца прафесара Уладзіміра Козіна, першага сакратара беларускай амбасады Аляксандра Сушкевіча, дырэктара Рыжскай Беларускай асноўнай школы імя Янкі Купалы Ганны Іванэ, а вучаніца 9 класа гэтай школы Алеся Халява праспявала беларускія песні.

Віншавалі Вячку Целеша дырэктар РСШ № 71 Андрэй Рыжыкаў, прафесар ISMA Віктар Гапеенка, мастакі аб’яднання “Маю гонар”, а таксама ўнукі мастака Аліна Аляксеява і Славік Целеш і іншыя.

Здымкі са старонкі В. Целеша ў сацсетцы Фэйсбук