Бог аб’явiўся — Хрыстос нарадзiўся!

Сёння праваслаўныя хрысціяне святкуюць нараджэнне Іісуса Хрыста Сына Божага, які прыйшоў да нас, каб праз пакуты ачысціць нас ад грахоў і паказаць шлях да Жыцця Вечнага побач з Заснавальнікам. Шлях гэты просты, ідзе ён праз любоў і некалькі запаведзяў, але прайсці яго здоляе не кожны. Мы віншуем усіх вернікаў і шчыра жадаем моцы і натхнення каб прайсці гэты складаны шлях, скарыстаць вялікі дар, які прынёс да нас Іісус таму, што ведаць і не скарыстаць гэты дар і міласць гэта не даравальна, гэта падман самой існасці жыцця. 

Ваўкавыскія вернікі апоўнач сустракалі Нараджэнне Хрыста ў Благавешчанскай царкве, што на вуліцы Соф’і Панковай. Богаслужэнне пачалося пасля 23.00, кожны прысутны змог памаліцца, пакаяцца, каб з чыстым сэрцам сустрэць свята.

З дазволу настаяцеля храма быў зроблены фотарэпартаж, які мы прапануем да вашай увагі:

Фота: Уладзіслаў Мігдалёнак