У Ваўкавыску праводзілі зіму (ФОТА)

12 сакавіка на пляцоўцы для гулянняў па вул. К. Маркса адбылося масавае гулянне «Бліны выпякаем – Масленку адзначаем!»

Свята правадоў зімы прайшло актыўна і весела. У яго праграме былі тэатралізаванае прадстаўленне, традыцыйнае запальванне вогнішча, спартовыя гульні і забавы і масленічнае шматбор’е, у якім узялі ўдзел пяць каманд.

А завяршылася свята традыцыйным спальваннем саламянага пудзіла.

Прапануем увазе нашых чытачоў фотарэпартаж з падзеі вачыма аднаго з удзельнікаў прадстаўлення — артыста і фатографа Максіма Радзюка.